Ёзда мотор мойини алмаштириш керакми?

Avto Olam > Blog > Биласизми? > Ёзда мотор мойини алмаштириш керакми?

Ёзда мотор мойини алмаштириш керакми?

https://avtoolam.uz/bilasizmi/3419/

Ҳозир Ўзбекистонда жазирама иссиқ ўзининг энг юқори палласига кўтарилмоқда ва албатта, машинангиз учун қайси мой энг яхши эканлиги ҳақида ўйласангиз арзийди.

Энг аввало, SAE кўрсаткичлари қанчалик юқори бўлса, мойнинг ёпишқоқлиги ҳам шунчалик юқори бўлишини ҳисобга олиш керак.

Қишки мойлар SAE 0 дан 25 гача туркумланади: SAE 0W, 5W, 10W, 15W, 20W, 25W, бунда “W” белгиси Winter-Қиш деган маънони англатади.

Ёзги мойлар учун SAE кўрсаткичлари 20 дан 60 гачани, барча мавсум мойлари учун эса индекси SAE 0W-20 – 0W-40, 5W-20 – 5W-50, 10W-20 – 10W-40, 20W-50 ва бошқалардан иборат бўлади.

Шуни эсда тутиш керакки, W ҳарфидан олдин қиймат қанчалик паст бўлса, паст ҳароратда мойнинг ёпишқоқлиги ҳам кам бўлади.

Бизнинг жазирама иссиқ иқлимли минтақамиз учун ёз фасли учун қуюқ мой кўпроқ мос келади, мой ҳатто +45 даража ҳароратда ҳам самарали бўлиб қолади. SAE 40 ёки 50 мойи афзалроқ, бироқ барча мавсумлар учун мойлар, масалан, 5w40 мойи танловида тўхташ ҳам мумкин.

Мойнинг янги турига ўтиш тўғрисида қарор қабул қилишдан аввал автоишлаб чиқарувчи тавсияларини ўрганиб чиқиш зарур.

Posted By

Admin

Fikr bildirish

Email manzilingiz chop etilmaydi. Majburiy bandlar * bilan belgilangan